დაცული ტერიტორიების სააგენტოსა და კურორტების განვითარების სააგენტოს შორის თანამშრომლობის მემორანდუმი გაფორმდა

მემორანდუმი ითვალისწინებს დაცულ ტერიტორიებზე ეკოტურიზმის განვითარების მიმართულებით ერთობლივი ღონისძიებების გატარებას.

მემორანდუმს ხელი დაცული ტერიტორიების სააგენტოს თავმჯდომარემ დავით იოსებაშვილმა და კურორტების განვითარების სააგენტოს დირექტორმა ალექსანდრე ონოფრიშვილმა მოაწერეს.

აღსანიშნავია, რომ გარემოს დაცვისა და სოფლის მეურნეობის სამინისტროს დაცული ტერიტორიების სააგენტოს საქმიანობის ერთ-ერთი პრიორიტეტული მიმართულება დაცულ ტერიტორიებზე ეკოტურიზმის განვითარებაა. აღნიშნული მიმართულებით სააგენტო აქტიურად თანამშრომლობს არაერთ, მათ შორის საერთაშორისო და დონორ ორგანიზაციასთან.