დაცული ტერიტორიების სააგნეტო მე- 6 საერთაშორისო ტურისტულ გამოფენა "EXPO BATUMI 2013 – ზე

2013 წლის 10-12 მაისს დაცული ტერიტორიების სააგენტო აჭარაში, ქ.ბათუმში გამართულ  ტურიზმის და სასტუმრო აღჭურვილობის  მე _6 საერთაშორისო ტურისტული  გამოფენაზე “EXPO BATUMI 2013”-ში იღებს მონაწილეობას.

დაცული ტერიტორიების სააგენტოს საგამოფენო სტენდზე ეროვნული პარკები და მღვიმეები  აქვს  წარმოდგენილი, დამთვალიერებლებს საშუალება აქვთ 3 დღის განმავლობაში დაათვალიერონ დაცული ტერიტორიების ორიგინალური ექსპოზიციები, უნიკალური ბუნების ძეგლები, ტურისტული პროდუქტები და სხვა ღირსშესანიშნავი ფოტო, ვიდეო და ბეჭდური მასალები.

დაცული ტერიტორიების სტენდის გვერდით წარმოდგენილია უცხოური კომპანიებიც: თურქეთიდან, ირანიდან, სომხეთიდან, უკრაინიდან, პოლონეთიდან ესპანეთიდან და ჩინეთიდან.

გამოფენაში მონაწილეობა მიზნად ისახავს საქართველოს ეროვნული პარკების და მასზე არსებული ტურისტული პროდუქტების პოპულარიზაციას, უნიკალური ბიომრავალფეროვნების ქართველი და უცხოელი ტურისტებისთვის გაცნობას და ეკოტურიზმის განვითარებას ეროვნულ პარკებში.