თუშეთის ეროვნულ პარკში ტურისტული ინფრასტრუქტურის რეაბილიტაცია დასრულებულია

საქართველოს დაცული ტერიტორიების საგენტოს თავმჯდომარე გიორგი შონვაძემ თუშეთის ეროვნულ პარკში რეაბილიტირებული ტურისტული ინფრასტრუქტურა მოინახულა.   2012 წელს თუშეთის ეროვნულ პარკში  მოხდა  ტურისტული  ინფრასტრუქტურის რეაბილიტაცია, კერძოდ გარემონტდა: 

• თუშეთის  ეროვნული პარკის ადმინსტრაციული შენობა;

• ვიზიტორთა ცენტრი;

• გადასახედი (თუშეთის ულამაზეს ხეობაზე)

• საინფორმაციო დაფები;

• რეინჯერების თავშესაფარი.

 ტურისტული  ინფრასტრუქტურის  რეაბილიტაცია ორი თვის განმავლობაში მიმდინარეობდა.  რეაბილიტაციის ღირებულებამ შეადგინა    112 000 ლარი,  რომელიც კავკასიის ბუნების ფონდს მიერ გამოყოფილი თანხებით და სახელწიფო ბიუჯეტის თანადაფინანსებით მოხდა.   გარემონტებული ინფრასტრუქტურა ხელს შეუწყობს ეკო-ტურიზმის განვითარებას თუშეთის ეროვნულ პარკში.