საფრანგეთში, ქალაქ სტრასბურგში დაცული ტერიტორიებისათვის ევროპული დიპლომის მინიჭების თაობაზე სამუშაო შეხვედრა გაიმართა, რომელსაც ევროკავშირის ექსპერტები, სსიპ დაცული ტერიტორიების სააგენტოს თავმჯდომარის მოადგილე დიმიტრი ბერიძე და ვაშლოვანის დაცული ტერიტორიების ადმინისტრაციის დირექტორი მერაბ ფიროსმანაშვილი დაესწრნენ.
შეხვედრაზე განიხილებოდა ვაშლოვანის დაცული ტერიტორიებისათვის ევროპული დიპლომის მინიჭების საკითხი, რომელიც ვაშლოვანის დაცულ ტერიტორიას განხილვიდან სამ თვეში გადაეცემა.

აღსანიშნავია, რომ ევროპის მასშტაბით 75 დაცულ ტერიტორიას აქვს მინიჭებული ევროპული დიპლომი.
სტრასბურგში პროგრამის „ევროპული დიპლომი დაცული ტერიტორიებისათვის“ 50 წლის იუბილეც აღინიშნა. აღნიშნული ხელს შეუწყობს საქართველოს დაცული ტერიტორიების ცნობადობის გაზრდას საერთაშორისო დონეზე.