ვაშლოვანის ეროვნულ პარკში ხანძარი ლოკალიზებულია

2013 წლის 24 მაისს, ვაშლოვანის დაცულ ტერიტორიაზე ხანძარი გაჩნდა. ცეცხლი ქვაბულის ტერიტორიას წაეკიდა და დაახლოებით 3 ჰექტარ ბალახის საფარსა და ნაყარ ხეებზე გავრცელდა. რეინჯერების და ვაშლოვანის ადმინსტრაციის მიერ ხანძარი 3 საათში იქნა ლოკალიზებული. ზარალი არ არის.ვაშლოვანის ადმინისტრაციის ცნობით, ინცინდენტის მიზეზი ჯერ-ჯერობით დაუდგენელია. ხანძარი საკმაოდ მიუდგომელ ადგილას - ქვაბულში გაჩნდა, სადაც მანქანით გადაადგილება შეუძლებელია.  ადგილობრივი პოლიცია ამ ფაქტთან დაკავშირებით აწარმოებს მოკვლევას.