/შეიქმნა 2024 წ./  

 2024 წელს, ჩოხატაურისა და ოზურგეთის მუნიციპალიტეტების ტერიტორიაზე 15 310 ჰა ფართობზე, შეიქმნა გურიის ეროვნული პარკი, აქედან, მთლიანი ფართობის 92% - 14 141 ჰა არის ტყით დაფარული ტერიტორია, დანარჩენი ფართობი კი, ძირითადად, ალპური მდელოებია. პარკის დაარსების მიზანი გურიის უნიკალური ბიომრავალფეროვნების და ეკოსისტემის დაცვა და შენარჩუნება, ცხოველების, მათ შორის, კავკასიური ირემი, შველი, მურა დათვი, ფოცხვერი და სხვა, პოპულაციების ზრდის ხელშეწყობაა.

   ეს დაცული ტერიტორია წარმოადგენს დასავლეთ მცირე კავკასიონის კონსერვაციული ლანდშაფტის საკვანძო ნაწილს. ეროვნული პარკის დაარსება ხელს შეუწყობს გურიის უნიკალური მთიანი ლანდშაფტის დაცვას, ეკოლოგიური ქსელების შექმნას, რეგიონის ცნობადობის გაზრდას, ეკოტურიზმის და რეგიონის მდგრად განვითარებას, ადგილობრივი მოსახლეობის დასაქმებას, ტურისტული ნაკადების მოზიდვას, ადგილობრივი მოსახლეობის ჩართვას ეკოტურისტულ სერვისებში და ადგილობრივებისთვის დამატებითი ეკონომიკური სარგებლის გაჩენის შესაძლებლობას.

ფეისბუქის გვერდი: გურიის ეროვნული პარკი

მისამართი: გურის რეგიონი, ჩოხატაურის მუნიციპალიტეტი, ნოდარ დუმბაძის ქ.#5 

დეტალური ინფორმაციისათვის მიმართეთ:

ადმინისტრაციის დირექტორი მ.შ. - მალხაზ ვირუბოვი

ტელ: +995 577101881   |  ელ-ფოსტა: m.virubovi@gmail.com