ღირსშესანიშნაობა: ზედაიურული კარბონატული ქანებიდან დედამიწის ზედაპირზე ნახშირორჟანგიანი აღმავალი წყაროს მიერ წარმოქმნილი პატარა ტბაა, რომელიც ხმაურით „დუღს“ ნახშირორჟანგა გაზის ბუშტებისაგან. წყაროს დებეტია 2,5 მლნ ლიტრი დღე-ღამეში. ტბის ფართობი 0,04 ჰა-ია. აირის გამოყოფა უქარო ამინდში ჰაერის ქვედა ფენებში ნახშირორჟანგის დაგროვებას იწვევს. პატარა ცხოველები ტბასთან მიახლოვებისას იგუდებიან და ამიტომ აქ შეიძლება შეგხვდეთ დაღუპული თაგვების, ხვლიკების, ბაყაყების და ჩიტების გვამები.

მდებარეობა: ყაზბეგის მუნიციპალიტეტი, თრუსოს ხეობა, მდ. თერგის მარცხენა ნაპირზე სოფ. აბანოდან აღმოსავლეთით, 2127 მეტრი ზღვის დონიდან.

კოორდინატები: N42 35.290 E44 25.323

მისასვლელი გზა: უახლოესი დასახლებული პუნქტებია: სოფ. ქეთერისი და სოფ. აბანო (სადაც მოსახლეობა სეზონურად ცხოვრობს), შედარებით მოშორებულია სოფ. კობი, რომელიც ქ. თბილისიდან დაშორებულია 136 კმ-ით; ხანგრძლივობა - 2 სთ და 10 წთ; 
სოფ. კობი - აბანოს ტბის ბუნების ძეგლი - 18,6 კმ გრუნტის გზა. ხანგრძლივობა - 1 სთ და 30 წთ; 
დაბა სტეფანწმინდა - აბანოს ტბის ბუნების ძეგლი - 35 კმ. ხანგრძლივობა - 2 სთ;
სოფ. ქეთერისი - აბანოს მინერალური ტბის ბუნების ძეგლი - 2,8 კმ, საჭიროა მდინარე თერგზე შემოსავლელი საფეხმავლო/საცხენოსნო გზის გავლა. ხანგრძლივობა - 30 წთ;

ღამისთევა: ღამის გასათევად ყველაზე ოპტიმალური ვარიანტია დაბა სტეფანწმინდაში ან დაბა გუდაურში დარჩენა, სადაც შესაძლებელია სასტუმროში გაჩერება.

საკონტაქტო ინფორმაცია: ყაზბეგის ეროვნული პარკის ადმინისტრაცია
ტელ: 577 96 11 88
ელ-ფოსტა: info@apa.gov.ge/otsamalaidze@apa.gov.ge

ფოტოგალერეა