სსიპ დაცული ტერიტორიების სააგენტო

პირველი დაცული ლანდშაფტი - თუშეთის დაცული ლანდშაფტი შეიქმნა 2003 წელს (31 320 ჰა). 2011 წელს იგი გაფართოვდა და დღეს მისი ფართობი 31 518 ჰა-ს შეადგენს. ამ კატეგორიის დაცულ ტერიტორიაზე შესაძლებელია ბუნებრივი რესურსებით მდგრადი სარგებლობა, კონსერვაციის მიზნების ხელშეწყობა, ამავდროულად ეკოტურიზმის განვითარება და სოციალური პროექტების განხორციელება ადგილობრივი მოსახლეობისთვის. თუშეთის დაცული ლანდშაფტი იმართება ადგილობრივი მუნიციპალიტეტის მიერ, თუშეთის დაცული ტერიტორიების ადმინისიტრაციასთან და სსიპ დაცული ტერიტორიების სააგენტოსთან მჭიდრო თანამშრომლობით.