სსიპ დაცული ტერიტორიების სააგენტო

მარიამჯვრის სახელმწიფო ნაკრძალი კახეთის რეგიონში, საგარეჯოს მუნიციპალიტეტში მდებარეობს. ნაკრძალი ცივ-გომბორის ქედის სამხრეთ კალთებზე, ქალაქ საგარეჯოს ჩრდილო-აღმოსავლეთით, სოფელ ანთოკის მიმდებარედაა განლაგებული. მარიამჯვრის ნაკრძალის შექმნას საფუძვლად კავკასიის რელიქტის - სოსნოვსკის ფიჭვის (Pinus Sosnowsky Nakai) ხელუხლებელი ლანდშაფტების დაცვა-შენარჩუნება დაედო; მათი ანალოგი არა მარტო საქართველოში, არამედ, მის ფარგლებს გარეთაც არ მოიპოვება. მარიამჯვრის სახელმწიფო ნაკრძალის ფართობი 1 022.5ჰექტარს შეადგენს.